الشيخ محمد حسان والتطبيل بما لايخالف شرع الله

                                                                  بسم الله الرحمن الرحيم
كل فصيل سياسى كان أو دينى فيه الحلو والوحش وكل منا له أخطاء .. مش عيب انك تغلط بس العيب انك تصر على الغلط وانت عارف انه غلط .. ممكن تبرر لحد غلطاته من باب الثقه مره و مرتين لكن اما تلاقيه بيمارس نفس الغلط لازم تقف وتقوله لا انا غلطان .. هو بيعمل ليه كدا؟! ديننا مش بيقولنا نكدب او ندافع عن غلط حتى لو مع ولى الأمر مش مع شيخنا .. الكلام لأصحابى من الدعوه السلفيه وان كنت بثق فى نواياهم الطيبه وحبهم وخوفهم على المشروع الاسلامى .. هنا هاتلاقوا فيديوهات مجمعه للشيخ محمد حسان بتبين أد ايه هو منافق .. بلاش تستعجلوا وتشتمونى .. شوفوا الفيديوهات الأول وبعدين احكموا الفيديو الأول : الشيخ محمد حسان وهو بيمدح فى ظباط أمن الدوله ويتفنن فى وصف قوة ايمانهم .. وطبعا كلنا عارفين ظباط امن الدوله دول كانوا بيعملوا ايه وتقريبا مفيش فيهم واحد نضيف
https://www.youtube.com/watch?v=acjrw7jqrfw
الفيديو التانى  : الشيخ محمد حسان وفتوى تحريم المظاهرات أيام مبارك .. انتوا مقتنعين ان المظاهرات والهتافات حرام؟!
https://www.youtube.com/watch?v=klq1JGvYXac
الفيديو الثالث : الشيخ محمد حسان بيمدح مبارك فى 2008 وبيقول لابد أن نأخذ بايده ونساعده .. مبارك برضو !
https://www.youtube.com/watch?v=chFHoW6XyH8
الفيديو الرابع : موقف الشيخ الجليل محمد حسان من الثوره المصريه .. طبعا بيتكلم عن تجريم الاضرابات والمؤامرات الخارجيه والفوضى والعراق ومش عاوزين نبقى زى العراق ياجماعه !!
https://www.youtube.com/watch?v=Zoh7hXYe8aM
الفيديو الخامس : الشيخ محمد حسان وهو بيدعو للمجلس العسكرى والقضاء المصرى من على جبل عرفات ومش عاوزين نكسر الجيش والقضاء بعد ماكسرنا الشرطه ياجماعه !!
https://www.youtube.com/watch?v=C81n68TE3ic
وفيه فيديوهات تانيه كتير والله وهو بينافق نفسه اصلا بس دول الأهم بالنسبه ليا .. محمد حسان اما بيدخل فى السياسه

امبارح كان عمرى (21) الجزء الاول

فى ظل هذه الذكرى التاريخيه التى لم ولن تتكرر مرة اخرى...بقى عندى 21 سنه ياولاد المرا :D
وبالمناسبه دى قلت اسجل شوية اعترافات حلوين كدا..هما مش اعترافات اوى يعنى..هما فضايح :D :D
انا هاكتب كل 10 فى مدونه علشان كتيييييييييييير :D

1-امى كانت بتتوحم على بطيخ علشان كدا انا بحب البطيخ جدا ولسه واكل منه النهارده

2-كنت امور جدا وانا صغير والبوم صورى فى عيد ميلادى الاول تشهد على كدا واللى بيشوفها بيقولى انت بقيت وحش ليه كدا ‎:D‏
3-كنت طفل شقى جدا واهلى كانو بيخافو عليا اوى ومش بيخرجونى كتير
4-اشهر مقوله ليا وانا يادوب بعرف اتكلم بالعافيه كانت ياكماره يااحلى بطنطن ولا برد يدخل ابدا ..ابدا ‎:D
اعلان بطاطين كنت بحبو ‎:D‏
5-كنت بصلى مع جدتى دايما فى مصلى السيدات ‎:D‏ وانا صغير طبعا
6-اتعلمت كل حاجه فى الصلاه لوحدى للاسف وفضلت فتره طويله جدا اسلم فى الركعه التانيه بعد التحيات واستغرب ان الناس مش بيسلمو زيى ‎:D‏

7-بعد كدا روحت كتاب اتعلمت فيه القرايه والكتابه وحفظت فيه جزء ونص قران
8-وانا صغير كانت اخلاقى عاليه اوى احمد اخويا مره قاللى تيجى نهرب..موته من الضرب زى مايكون قتل حد ‎:D‏
9-كنت بحب الخناقات اكتر من اى حاجه وكنت كل يوم اتخانق غالبا بسبب اخواتى ان العيالى فى الشارع كانو بيخوفوهم وهما كانو بيخافو ‎:(‏
10-كنت بعيط كتير وانا صغير اما تصعب عليا نفسى او احس انى صعبان على حد
كفايه كدا النهارده نكمل يوم تانى بقى :D

مدوناتى واهاتى وابتساماتى

نخش فى الموضوع على طول :D
دى اول مدونه ليا من الموقع الجديد دا علشان مش عارف افتح القديم وكل اللى عليه طاااااااار :((
ان شاء الله نتواصل من خلال البلوجايه دى بقى :D:D
واول حاجه هاعملها هابطل ام الايمو دا :D
هابقى اكتب بعدين بقى علشان مش فاضى دلوقتى خالص قشطه ياأبا؟ :D
يوووووه عملت الايمو تانى..ان شاء الله هابطلو
خش جوا ياد انت وهو ياد خش جوا خش جوا ياد انت وهو بلاش قلة ادب..بلاش قلة ادب وقلة حياه
والسلام عليكم ورحمة الله وبركاته